PUMIRMA NA SA VIVA! Kylie Verzosa, tuluy-tuloy na ang pag-aartista!

Kylie Verzosa

NABINYAGAN na si 2016 Miss International Kylie Verzosa sa pag-arte sa MMFF entry na Ang Panday na pinagbibidahan ni Coco Martin. Bagama’t ang ilan ay hindi solve sa acting na ipinakita ni Kylie, aminado naman ang beauty queen na marami pa talaga siyang dapat matutunan.

“First time kong umarte sa Ang Panday, buti nga po may dialogue pa, eh. Sa mga nagsasabi naman na hindi pa ako marunong umarte, aminado naman po ako doon.

“Baguhan lang po ako. Bagong mundo yon for me but I’m very much willing to learn. Lahat naman po siguro puwedeng pag-aralan, kahit yung pag-arte,” katwiran ni Kylie.

Si Kylie ay nasa pangangalaga  na ngayon ng Viva Artists Agency (VAA) at kamakailan lang ay pumirma siya sa kompanya nina Boss Vic at Veronique del Rosario ng exclusive contract.

Inamin din  ni Kylie na tuloy-tuloy na ang kanyang pagpasok sa showbiz at pag-aartista lalo na ngayong Viva artist na siya.

“Sa Viva kasi po, parang alam ko po na makakatulong sila sa akin, sa career ko, and aligned din naman po ‘yung gusto ko sa gusto nila,”  sambit ni Kylie.

Pero iginiit ng beauty queen na kahit nag-aartista na siya ngayon ay hindi pa rin niya iiwan ang mga advocacies na kanyang nasimulan.

La Boka
by Leo Bukas

Related Post

SEQUEL SOON? LIZARDO ni Jake Cuenca sa Ang Panday, kinatakutan ng mga bata!

Jake Cuenca and Coco Martin

NAKAKAALIW ang unang sabak ni Rodel Nacianceno o mas kilala sa showbiz bilang si Coco Martin sa pagdidirek via “Ang Panday”. Hindi lang basta bida at director dito si Coco. Siya rin ang producer dahil gusto niya na ang vision niya ang masusunod.

At dahil sa vision ng pinakasikat na Kapamilya actor (meron pa bang aangal?) na alam ang gusto ng masang Pilipino, naituwid niya ang gusto niyang gawin. Hindi lang ito basta blockbuster hit – marami rin viewers at critics na naghayag ng kanilang pagkagiliw sa bagong Flavio a.k.a. Panday na ginampanan na noon ni FPJ, Bong Revilla, Jericho Rosales at Richard Gutierrez. Mas playful at kahit corny ay napaka-sincere pa rin ng atake ni Coco sa ginagampanang papel.

Ang isa sa pinuri ng mga manonood at kritiko ay ang pagganap ni Jake Cuenca bilang Lizardo. Binigyan ni Jake ng sarili niyang interpretation ang pagiging antagonist at talaga namang may mga bagets na todo hawak sa kanilang magulang sa pagkagulantang sa pagtawa nito. Hindi nito ginaya ang istilo ng past Lizardos like Philip Salvador and Max Alvarado.

Kapag pinanood mo ang pelikulang ito, para ka na rin nakasilip sa Bollywood film na bongga ang set design, kung anu-ano ang hinahalo at may mga song numbers. Pinakabenta sa akin ang Peksman na laughtrip ang bagong dagdag na rap lyrics. Siguro noong bata pa si Coco ay paborito niya itong kantahin kaya alam niya na marami ang makakarelate. Maganda rin na dinagdag nila iyon para kumalma ang viewers sa heavy fight scenes na magaganap.

Jake Cuenca as Lizardo

Pagdating sa love department ay hindi ko masyado naramdaman ang chemistry nina Flavio at Maria (Mariel de Leon). Sana ay naglagay din sila ng female protagonist na hindi lang pagiging maganda ang asset.

Buti na lang at naroon ang tambalang McLisse na kahit limited ang screen time ay nag-stand out naman.

Maraming veteran and child actors na lumabas noon sa FPJ’s Ang Probinsyano ang may partispasyon sa pelikula. Ang maganda rito ay nabigyan sila ng trabaho at importansya ng actor/director/producer.

Hindi na kami magtataka kung sa susunod na MMFF ay may sequel ito. Sana sa susunod ay bigyan din nila ng weird song number si Lizardo. Bebenta ‘yun for sure!

Showbiz Blogster
by Mica Rodriguez
Pinoy Fans Club

Related Post

PAGKATAPOS NG PATIKIM SA ‘ANG PANDAY’: McLisse magsisimula nang magsyuting ng kanilang launching movie!

MCLISSE: McCoy de Leon and Elisse Joson

NAGPATIKIM NA ang tambalang McLisse (McCoy de Leon at Elisse Joson) ng kanilang chemistry sa MMFF movie na Ang Panday at ayon sa kanila, may dapat pa raw abangan sa 2018 ang kanilang supporters.

Ayon kay Elisse, kung hindi magkakaroon ng problema ay magsisimula na silang magsyuting ni McCoy ng kanilang launching movie ngayong January. At kung medyo nabitin daw ang fans sa screen debut nila as loveteam sa Panday, wala na raw  mabibitin sa second team-up nila.

 Kahit hindi major role, napakasipag mag-promote nina McCoy at Elisse ng Ang Panday. Talagang naging very cooperative sila sa mga mall tours at TV guestings na siyempre ay ikinatuwa ng production team ng Ang Panday.

“Sobrang thankful din po kami, kasi Ang Panday ito, eh. Kumbaga, legacy na po, so ngayon na si Coco Martin (ang gumawa), sobrang laking bagay po sa amin,” reaksyon naman ni Elisse.

Eh, ano nga ba ang reaksyon nila sa pag-aalagang ginagawa ng ABS-CBN sa kanilang tambalan?

 “Lahat naman siguro puwedeng i-groom o alagaan ng ABS pero siguro, para sa amin, iniisip namin na kaya kami nandito dahil din sa mga taong sumusuporta sa amin. Swerte kami and very thankful,” reaksyon naman ni McCoy.

Hirit naman ni Elisse: “Challenge din po para sa amin na mapatunayan na parang deserve na maging nandito po sa posisyon namin  kaya kailangang… Pressure din po sa amin na ibigay lahat.”

Samantala, parehong napapanood ang dalawa sa top-rating teleserye ng ABS-CBN na The Good Son kasama sina Joshua Garcia, Nash Aguas, Jerome Ponce, Eula Valdez at Mylene Dizon.

 

La Boka
by Leo Bukas

Related Post

Coco Martin, babawi sa kanyang pamilya ngayong pasko

Coco Martin in one of his cinema rounds for Ang Panday

WALANG MATERYAL na bagay na gusto ang actor-producer-director na si Coco Martin of the MMFF 2017 official entry na Ang Panday ngayong Kapaskuhan.

Basta ang mahalaga para kay Coco ay makasama niya ang kanyang pamilya.

Alam naman natin kung gaano ka-busy ang aktor bago dumating ang Christmas day dahil sa kaliwa’t kanan niyang pagiging hands on sa promotion ng kanyang pelikula na kung saan nag-effort siya na i-produce ito para regalo niya sa mga bata at sa buong pamilya ngayon na nagsimula na ang Metro Manila Film Festival 2017.

Sa pelikula, Coco plays the role of Flavio na makakatungali ni Jake Cuenca as the evil Lizardo.

Sa katunayan, siya lang yata ang bida sa MMFF 2017 entry na nag-effort na ikutin ang buong Pilipinas para mag-promote ng kanyang pelikula na first directorial job niya using his real name Rodel Nacianceno.

Inikot ni Coco ang Luzon, Visayas at Mindanao. Pero hindi pa rin nagkasya ang aktor at nagkaroon pa ito ng palengke tour na binisita ang Nepa Q-Mart, Munoz at Balintawak Market.

Days before the Parada ng Mga Artista, sinuyod din niya ang Cavite at Batangas in one day para tuparin ang pangako sa mga supporters at tagahanga niya dadalawin  niya ang mga ito before the end of 2017.

Coco Martin visits the Sto. Nino Home for the Elderly in Marikina

Sa katunayan, a day before Christmas Day (bisperas ng Pasko yata yun) si Coco tulad ng pangako niya ay dinalaw ang mga senior citizens ng Sto. Nino Home for the Elderly sa Marikina na bukod sa mga bata ay isang sector na tagapagtangkilik niya.
Ngayon na hinay-hinay na si Coco, I’m sure happy ang pamilya ng aktor na babawi  ito sa kanila.

Reyted K
By RK Villacorta

Related Post

KAHIT OFF-CAM: McCoy de Leon at Elisse Joson, palaging nagho-holding hands

Elisse Joson & McCoy de Leon

KALOKA! Panay ang holding hands nina McCoy de Leon at Elisse Joson mula sa press preview ng Ang Panday hanggang sa Christmas Party ni Coco Martin for the press.

Nagtataka ako kung ano ang tawag sa dalawang tao (lalaki at babae) na panay ang hawak kamay at bulungan na ikaw na nakakapansin, magtataka kung ano ang pinaguusapan ng dalawa at tila gigil si Elisse kay McCoy?

During our short interview sa dalawa,  ayaw nila maghiwalay. Gusto palaging magkatabi sa upuan.

Dioskopo! Akala ng press “bagong kasal” ang McLisse. Ang dalawang pampakilig sa mga fans sa mga manonood ng Ang Panday na official entry ng CCM Productions ni Coco para sa MMFF 2017 showing on Dec. 25 sa mga sinehan.

Biniro ko ang dalawa nang humarap sa amin for a short tsikahan dahil kulang sa space at nagiisa lang ang upuan na kalungin na lang ni McCoy si Elisse.

Sagot ng binata “Oo ba” na ngumiti lang si Elisse. Pero nabitin ang pagkalung ni McCoy sa dalaga Hindi natuloy dahil dumating yong isang upuan na dala-dala ng waiter.

Kaya ang “plano ng pagkalung” ay nabulilyaso.

Bukas, Saturday ay Parada ng mga Artista na panimula ng Metro Manila Film Festival 2017 na magaganap sa Lunsod ng Muntinlupa at excited sina Mc Coy at Elisse sa magaganap. First time kasi sila sasakay sa float ng Ang Panday na may theme ng mundong mga duwende na isa sa mga highlights ng filmfest entry ng actor-producer-director.
Sa magtatanong, si Coco ang direktor ng pelikula kung saan gamit ng aktor ang tunay niyang pangalan na Rodel Nacianceno.

Reyted K
By RK Villacorta

Related Post

‘Ang Panday’, pini-predict na magna-No.1 sa 2017 Metro Manila Film Festival

COCO MARTIN

GRABE si Coco Martin kung mag-promote ng kanyang pelikulang Ang Panday na mapapanood simula Dec. 25 at isa sa 8 pelikulang kasali sa 2017 Metro Manila Film Festival. Wala siyang kapagurang magpunta sa iba’t ibang probinsya, malls at palengke.

Sa post sa social media ng team Ang Panday, may sariling pa-motorcade si Coco sa Maynila. Nagpunta siya ng Baclaran at nakipagkamayan sa mga tao nagtitinda at namimili ng pangregalo.

Pinuntahan din niya ang public market ng Nepa Q Mart, Balintawak at Munoz sa Quezon City. Tila wala siyang kapaguran sa paglilibot, huh!    And as expected, lahat ng lugar na pinuntahan niya ay dinudumog.

Base sa sipag ni Coco na mag-promote at sa ganda ng promo ng Ang Panday sa TV at social media, marami ang nagpi-predict na magna-No. 1 sa 2017 MMFF ang Ang Panday.

Bukod kasi sa may fan-based na ang original na Ang Panday ni FPJ, maraming element sa pelikula ang tiyak na magugustuhan ng mga millennials. May fantasy-adventure, musical, rap battle, comedy, bonggang special effects at kilig ang pelikula.

Samantala, sa Sabado, (Dec. 23) ang Parade of Stars ng mga pelikulang kasali sa MMFF at magaganap ito sa Muntinlupa. Makakasamang sasakay sa float ni Coco ang iba pang stars ng Ang Panday like Kylie Verzosa, Mariel de Leon, Jake Cuenca, Awra, Ronwaldo Martin at marami pang iba.

Habang nagpaparada ay mamimigay si Coco ng Panday sword sa masusuwerteng bata na nasa parade.

La Boka
by Leo Bukas

Related Post

IBANG MGA PRESS, INIINTRIGA SI COCO MARTIN SA PAGIGING GENEROUS

Coco Martin

HINDI AKO sang-ayon sa opinyon ng isang entertainment columnist sa isinulat niya na nabili na ni Coco Martin ang press na dumalo sa press preview ng kanyang MMFF 2017 entry na Ang Panday cum Christmas Party-Thanksgiving ng aktor

Porke’t nag-share si Coco ng kanyang biyaya na hindi na ito bago kung kilala mo siya bilang isa mga artista na may magandang ugali at generous ay bobolahin na ng press ang publiko para maging #1 siya sa box-office para sa MMFF 2017 entry niya  kung saan siya ay artista-producer at nag-direk.

For your information po, ang press ay tutulong lang na magpahatid ng mensahe at magbigay ng opinyon nila kung sa tingin nila ay maganda ang pelikula at i-share sa mambabasa nila kung para sa kanila ay tama at maganda.

Bad trip. Paskong-Pasko, umiiral pa rin ang inggit. Gusto mo bilhin ang opinyon ko? Baka mamulubi ka.

Mas maigi,  pakiusapan mo ako na tulungan ka na kahit walang sobre at tutulungan kita mag-promote ng kung ano man pelikula ang pinu-push mo basta maganda sa panlasa ko, pasado at gusto ko ay hindi ka mahihirapan at asahan mo ang ayuda ko.

Coco Martin thanking the press

Hindi fair kay Coco ang gustong isyu na ipalutang ng naturang senior columnist at intrigahin na nag-effort na pagandahin ni Coco ang kanyang obra para ikatutuwa ng mga bata at buong pamilya ay babahiran niya ng intriga.

Huwag na po kasi uminom ng ampalaya juice para mabawasan ang emote mo. Oo nga pala? Hindi kita napansin sa preview at pa-Christmas party ng Ang Panday. Ooopps… now ko lang nalaman kaya naman pala waley ka.

Paano ko paniniwalaan ang opinyon mo kung sa simula ay bias ka na? Kaloka ka teh!

Ang publiko ang magde-decide kung gagawin nilang #1 sa takilya ang pelikulang Ang Panday. Ang press,  miron lang. Ang manonood ang bibili ng ticket at ang mga fans at supporters ng aktor. Sila ang magluluklok kung sino sa tingin nila ang numero uno sa darating na MMFF 2017.

Sa Ang Panday, sigurado ako magugustuhan ito ng mga bata at ng buong pamilya.

Reyted K
By RK Villacorta

Related Post