Blind Item: Palabang aktres, iniiwasan dahil uma-attitude!

PR IS IMPORTANT sa showbiz. Kung mabait ka sa press and media whether that is in print or online, siguradong makakalikom ka ng magagandang write-up. Kung ikaw naman ay nagpapakita ng attitude, siguradong negative publicity ang iyong makukuha.

Isa si sexy actress sa mga artista na madalas ay nagdadalawang-isip ang mga tao kung dapat pa ba nila itong kausapin para sa isang panayam. Nag-umpisa ang pag-hesitate ng press people sa dalaga nang magpakita ito ng pagka-irita sa tuwing tinatanong siya ng mga tao tungkol sa isang proyektong ginawa niya kasama ang isang sikat na aktor. Hindi na niya itinatago ang pagkadismaya sa tuwing tinatanong siya. Siguro nga’y rinding-rindi na ito dahil ilang taon na rin naman na paulit-ulit lang ang questions sa kanya. Hindi rin naman niya masisisi ang mga writers dahil kailangan nilang magsumite ng kuwento. 

Dahil nakalat na rin ang attitude ng aktres, may ilang writers ang iwas na makasalamuha ito. Bakit mo nga naman aaksayahin pa ang oras mo na mag-interbyu ng isang tao na halatang napipilitan lang at walang ganang mag-promote? Sakyan na lang kasi sana!

Blind Item: Media personality, tinakot para hindi ibulgar ang namesung ng malditang aktres?

[unable to retrieve full-text content]

Blind Item: Newbie actress, tinanggihan ang alok na gimik ng aktor!

USO NGAYON sa showbiz ang mga loveteam na from reel ay nagiging real ang lambingan.

Ang iba naman sa kanila ang sincere, pero may iba naman na scripted lang ang mga lambingan na may social media postings.

Ito ang eksenang tinanggihan ng isang newbie actress na nagkaroon ng pangalan last year. Dumagsa ang offers sa kanya kaya sinubukan siyang alukin ng kapartner sa isang project kung pwede ba raw silang magpost ng maraming snapshots para kiligin ang growing fans nila. Noong una ay okay lang sa aktres basta klaro na para sa fans lang ang mga pictures.

Nagpapaingay daw ng pangalan ng aktor dahil hindi na siya as in demand as before.

Later on ay nag-propose ulit si actor na kunwari raw ay palabasin na ‘may something’ na talaga sila. Umalma ang aktres at idinahilan niya nas mas gusto nito na mag-focus lang sa work at huwag nang haluan pa ng kung anu-ano.

Tama nga naman si newbie actress knowing na may record na ang actor na may mga naging girlfriend din sa showbiz na sinabihan ng ‘I love you’, pero nauwi sa wala.

Blind Item: Sexy actress, sinasabotahe ni popular actress?

TOTOO KAYA ang balitang nilayasan diumano ng isang aktres ang kanyang management team na kasama niya sa kanyang showbiz journey for almost half a decade?

Lumayas nga ba siya o siya ang pinalayas?

Ang tsika, may mga naka-line up na raw sana na bagong TV show na continuation ng isang patok na series kung saan isa siya sa bida. Ang kaso, gumagawa raw ng paraan ang isang popular actress na isa sa mga most-prized talents ng management team, na hindi matuloy ang project na ito. Ang dahilan? Jealousy.

Ang bulong sa amin ay nagselos diumano si popular actress dahil maiiinit ang mga eksena ni sexy actress sa dyowa niya. Kahit daw alam na for professional purposes lang ang laplapan ni sexy actress sa dyowa niya ay hindi niya mapigilang magselos. Umabot pa nga raw sa punto na sinungit-sungitan siya in public knowing na once upon a time ay magkapatid ang turingan nila.

Wala pang kumpirmasyon kung talagang totally out na si sexy actress sa management team, pero hindi ba’t unfair kung sinabotahe siya dahil lang ginagawa niya ang kanyang trabaho?

Blind Item: Bagong loveteam, ‘scripted’ ang lambingan?!

MARAMI ANG NAGTATAKA kung bakit all of a sudden ay todo post ng sweet gestures ang dalawang magka-loveteam na ipinares sa isa’t isa last year. Ang isa ay galing sa isang reality show habang ang isa naman ay lately lang nabigyan ng break at umani ng maraming fans.

Siguro ay sabik ang dalawa na maabot ang pinapangarap na bituin. Never kasi silang nagkaroon ng stable na kapares at napag-iiwanan na sila ng mga kasabayan.

Dahil ito na ang magsisilbing daan para sa stardom na inaasam-asam, gagawin nila ang lahat para bumongga ang karir!

Totoo kaya ang chika na may usapan diumano ang dalawang artista na dalasan ang pagpopost ng sweet messages para kiligin ang mga fans nila at suportahan ang big project?

Kung totoo man na hindi sincere ang kanilang paglalambingan sa social media, baka delikado ‘yan!

Abangan na lang natin kung sweet-sweetan pa rin ang dalawa kapag natapos na ang ‘make or break’ project.

Blind Item: Baguhang singer, hindi marunong tumanaw ng utang na loob!

MARAMI ANG NAGSASABI na may pagka-ingrata diumano ang baguhang singer na napapansin ngayon sa maganda niyang kanta. Kahit pa sabihin natin na may potential na maging isang sikat na mang-aawit ang dalaga, mas napukaw nito ang atensyon ng madlang pipol dahil sa mga kontribusyon ng mga kapamilya nito sa showbiz industry.

Balita na ang dalaga raw ay mapag-mataas at hindi nirerespeto ang mga kamag-anak na mas nauna sa showbiz. Sa isang panayam daw nito ay may tinuran ito na para bang hindi nire-recognize bilang importanteng tao ang isang kapamilya na nagpakain sa kanya lalo na ng ito’y sanggol pa lamang. Maliban dito, pati ang isa pang tiya na nagpaaral at nagpakain sa kanyang pamilya ay dine-deadma raw nito.

Hindi kami sure kung may iba pang hugot ang baguhang singer o baka naman na-brainwash ito ng kanyang immediate family. Sayang naman kung matatabunan ng negative publicity ng pagiging ingrata ang sana’y promising career ni bagets sa music scene.

Blind Item: Reality TV show graduate, buhay reyna sa piling ng pulitiko!

ANG BUHAY nga naman sa showbiz ay walang kasiguraduhan. Ang mga hopefuls na sumasali sa reality TV shows ay nagbabakasakaling makapasok sa mga pakontes para mapansin at mabigyan ng TV or movie offers. Isa sa mga teenagers na naging bet ng mga viewers during their season is this pretty lady na may riches to rags story. Maraming boys ang nagka-crush dito and some thought she will be a big star one day.

There was a time na naging visible ang dalaga sa TV at lumabas din playing support sa mga pelikula. Lulubog-lilitaw na parang Luli Island lang ang peg niya dahil naging madalang ang offers. May tsika noon na rumaraket diumano ng bongga ang dalaga in exchange of money at may nakapagsabing ginagawa lang daw niya ito to help a family member na baon sa utang.

Ilang years naging usap-usapan sa showbiz ang pagiging butihing family member ng dalaga, na up to the point na ginagawa niya ang lahat para lang mairaos ang pamilya. Last year ay naging visible ulit ito, pero hindi sa TV. May nakapag-tsika sa amin na happily married na raw ang pretty lady na ito sa isang pulitiko sa isang malaking probinsya. Ang nakatuluyan niya ay mas matanda sa kanya, pero ayon sa aming source, hindi tinatago ng couple ang kanilang relasyon. Aktibo pa nga raw ang sexy aktres sa mga social events at napapalapit na ito sa masa.

If that’s the case, then we’re happy for the pretty lady na naging iconic ang mga covers niya sa iba’t ibang men’s magazines almost ten years ago. Ano kaya ang masasabi ng mga kapwa niya graduate sa reality show?