THE TERROR DIRECTOR: Joel Lamangan, first time hindi nagalit at nagmura sa set ng kanyang pelikula

Barbie Forteza and Joel Lamangan

KAPAG NARIRINIG ng mga baguhang artista ang pangalan ni Direk Joel Lamangan, asahan mo, kabado sila na makatrabaho ang pamosong direktor.

Tulad sa kaso nina Ken Chan at Barbie Forteza, sa unang pagkakataon na makaharap nila si Direk Joel ay may tensyon silang nararamdaman.
Alam kasi nila na si Direk Joel, mahigpit at perfectionist sa mga eksena na dinirirek niya.
“Bawal ang ma-late sa set,” kuwento ni Ken. Sabi naman ni Barbie: “Dapat pagdating mo sa set ni Direk, dapat alam mo ang linya mo. Dapat pinag-aralan mo na.”
Pero si Direk Joel, sa kabila ng kaba ng mga artista niya na sa unang pagkakataon niya nakatrabaho ay puring-puri niya ang dalawa.
“Dito makikita yung other aspect ng kanilang talent. Dito na-test ang kanilang dramatic prowess. Na-discover ko na mahusay silang dramatic actors. Isa sila sa mga pinakamahusay na dramatic actors of their generation. 

“At tuwang-tuwa ako kasi nakatrabaho ko sila. Imagine, naka-trabaho ko sina Ken Chan at Barbie. I’m so proud of them,” pagkukuwento ni Direk sa dalawa niyang artista sa “This Time I’ll Be Sweeter” na produced ng Regal MultiMedia, Inc. na sister company ng Regal Films.

Hindi lingid sa mga artista na si Direk Joel ay isa sa mga sinaabing “Terror Film Director”.
He is sweet at malambing pero naninigaw at nagmumura sa set. Pero with Direk Joel’s experience with his stars sa siksik sa kilig movie nina KenBie, first time siya hindi nagalit or nanigaw. Wala siya napagalitan sa mga artista niya.
Mula kay Direk Joel mismo: “Mahuhusay sila na artista. I’m so proud. Lahat ng nandito, wala akong itulak-kabigin. Ito lang ang pelikula na wala akong napagalitan. 
“Wala akong nasigawan. Dahil siguro takot sil at dahil prepared sila sa kung ano ang ine-expect sa kanila . Dahil on time sila, walang nale-late. May respeto sila sa trabaho nila. May respeto sila sa trabahong kanilang pinili.  Maaga pa lang, mahusay na ang training nila.
“Nakikita natin ang isang magandang kinabukasan ng industriya ng pelikulang Pilipino sa tulad nilang mga batang artista,” pagkukuwento niya.

Sa pelikula nina KenBie ay kasama rin sina Ara Mina, Neil Ryan Sese, Yayo Aguila, Kim Rodriguez, Hiro Peralta, Akihiro Blanco, Jai Agpangan at Kaki Ramirez

Reyted K
By RK Villacorta

Related Post

Ken Chan at Barbie Forteza, madalas i-rehearse ang eksena sa “This Time I’ll Be Sweeter” para di mapagalitan ni Direk Joel

ANG GANDA ng attitude na ipinakikita nina Ken Chan at

Barbie Forteza and Ken Chan

Barbie Forteza while doing the promo of their launching film sa Regal Entertainment na This Time I’ll Be Sweeter. Very cooperative ang dalawa at ang sipag-sipag mag-promote ng pelikula.

Nakakatuwa rin ang attitude nila na hindi mga feeling sikat at talagang very warm kung makipag-usap sa press. Hindi rin sila mga echoserang frog na paliguy-ligoy sumagot sa mga tanong.

Yon nga lang, may pakiusap ang Kenbie tandem na sana raw ay huwag munang masyadong pag-usapan ang tungkol sa kani-kanilang buhay. As we all know, may kani-kanyang partners ang dalawa, huh!

Meanwhile, This Time I’ll Be Sweeter is directed by Joel Lamangan  na aminadong hindi niya napagalitan ang dalawang bida dahil very professional daw silang katrabaho.

“Hindi po talaga kami nale-late sa set. Isang oras bago ang call time dumarating na po kami ni Ken at kapag may eksena kami, nire-rehearse din namin para hindi maimbiyerna sa amin si Direk Joel,” kuwento pa ni Barbie.

Base sa trailer ng pelikula at sa dami ng views nito sa social media, marami ang curious na mapanood ito sa big screen. Mukhang nakakikilig nga ang This Time I’ll Be Sweeter kahit pa di nama sila sweetheart talaga offscreen.

Showing ang pelikula sa Nov. 8.

La Boka
by Leo Bukas

Related Post

Hashtag Nikko Natividad, sinigurong wala siyang lalabas na video scandal

LIKE ko ang Hashtag member na si Nikko Seagal Naitividad na talent ng kaibigang Jobert Sucaldito.

Hashtag Nkko Natividad

Straight forward si Nikko kasi, kaya like siyang interbyuhin ng entertainment writers.

Una na, ako as a person, mas hamak na gusto ko naman na ang kausap ko ay diretso at hindi paliguy-ligoy, dahil as a person I’m straight forward sa mga kausap ko. Hindi ako mahilig sa mga sugar-coated words para lang magustuhan mo ako.

Kaya aliw kami kay Nikko na bluntly na inunahan na niya si “Fren” Rommel Placente na wala siyang itinatagong sex video na uso ngayon, at naglalabasan ang mga lihim na dating nagawa ng showbiz personalities natin, na nang sumikat ay isa-isang naglabasan.

“Wala po ako n’yon,” sabi ni Nikko at panigurado niya.

“Bakit ko po naman ipare-record ‘yun, lalo na’t private na ‘yun,” paliwanaag niya.

Si Nikko ay isa sa mga original Hashtag members na happy sa estado niya ngayon sa noontime show na “It’s Showtime”, dahil mas nabibigyan siya ng mgandang break para ipakita ang kanyang hosting talent bukod sa kanyang dancing skills.

Sa noontime show, may bagong pakulo ang palabas kung saan laugh trip ang istilo ng hosting ni Nikko na sa mga nakapanonood, kahit mali-mali ang pag-i-Ingles ay nakake-create ito ng mga nakatutuwang eksena na tuloy nagkakaroon ng trademark ang klase ng pagho-host niya.

“Nag-usap kami ni ‘Nay Jobert na aalagaan ko ‘yong break na ibinigay sa akin ng ‘It’s Showtime’. ‘Yong pagpapa-cute, bigay ko na lang daw sa iba at mag-concentrate ako sa break na ibinigay sa akin,” kuwento niya.

Sa ngayon, pinasok na rin ni Nikko at pag-arte sa pelikula, na kung tama kami ay pinahanap pa siya ni Direk Joel Lamangan for a “gay role”, kung saan partner sila ng kapwa Hashtag member na si Jon Lucas sa pelikula na pinagbibidahan ni Ai Ai delas Alas.

Bida sa “Bhoy Intsik” na si RS Francisco, ‘di mahilig sa beauty contest

Bading man ang magaling na stage actor/director na si RS Francisco na bida sa pelikulang “Bhoy Intsik” ng Sinag Maynila Film Festival, hindi raw siya katulad ng iba na mahilig sa beauty contest.

Raymond “RS” Francisco

Ayon kay RS, na nagpalit ng screen name to Raymond Francisco, wala rin daw siyang mga kilalang beauty queen.

“Hindi ako mahilig sa mga Miss Gay, Miss Universe. Like ‘yung Miss U recently, kausap ko si Gretchen (Barretto), ‘Honey, mag-i-start na ‘yung Miss Universe, watch us.’ Sabi ko, ‘Girl, patulog na ako. I don’t like mga Miss U na ‘yan, kayo na lang, balitaan mo na lang ako.’ I don’t even know the beauty queens,” kuwento niya.

May paliwanag din siya kung bakit Raymond at hindi na RS ang kanyang ginamit na pangalan sa “Bhoy Intsik”.

“Ferdie Lapusz said, for international screenings dapat full name. Mas seseryosohin daw ako kung ang gagamitin kong pangalan is Raymond which is my real name din talaga,” katwiran niya.

Hirit pa niya, “Hindi naman talaga ako RS, eh. Raymond naman talaga ang pangalan ko, kaya lang naging RS dahil sa ‘M Butterfly’. Kasi sa ‘M Butterfly’ I played a girl, not bading ha, I played a woman,” sabi pa niya.

Kasama ni Raymond sa “Bhoy Intsik” si Ronwaldo Martin. Sa direksyon ito ni Joel Lamangan at produced ng Frontrow Entertainment.

Ronwaldo Martin, hindi naglaswa sa “Bhoy Intsik”

Aminado si Ronwaldo Martin na hindi niya kayang gawin ang klase ng mga pelikulang pinagsimulan noon ng kapatid niyang si Coco Martin. Pang-wholesome daw siya hangga’t maari dahil ito rin ang gustong mangyari ng kapatid niya.

Ronwaldo Martin

“Ayaw po niya. Siguro ayaw niya na pagdaanan ko rin ‘yung ginawa niya noon sa pelikula,” rason ni Ronwaldo.

Wala rin daw silang laswaan ng kasama niyang gay stage actor/director na si Raymond Francisco sa Sinag Maynila Film Festival entry na “Bhoy Intsik”.

“Parang tatay-tatayan ko siya sa pelikula, eh. Pareho kaming sanggano at laging magkaaway, pero sa huli, nakitira pa ako sa bahay niya sa sementeryo,” kuwento ng indie actor.

Samantala, tinanggap ni Ronwaldo ang role ni ‘Maron Pogi’ sa Bhoy Intsik dahil halos kapareho raw ito ng role niya sa critically-acclaimed film na “Pamilya Ordinaryo”.

“Siguro bagay lang sa akin ‘yung role kaya ako kinuha ni Direk Joel (Lamangan). Sabi niya, nagustuhan daw niya ako sa ‘Pamilya Ordinaryo’ kaya inilagay niya ako rito. Natatakot nga ako sa kanya, eh, lalo na ro’n sa eksenang kailangan kong umiyak, pero nagawa ko naman,” sambit pa niya.