ELLEN ADARNA, litson ang pinaglilihian? LLOYDIE, binigyan ang future wifey ng singsing worth 3M?

John Lloyd Cruz and Ellen Adarna spotted at Mactan International Airport

MARAMI ANG NAIINIP kung kailan ba talaga ikukumpirma nina John Lloyd Cruz at Ellen Adarna na buntis itong huli at ang ama ng bata ay itong si Lloydie.

Puro kasi spekulasyon na wala naman kumpirmasyon mula mismo sa dalawa para ang lahat ng tsismis, tsika, sabi-sabi, sitsit ay matuldukan na at matapos na.

Walang makapagsabi. Walang makapag-kumpirma na until now, maging ang mga malalapit na kaibigan ng dalawa ay nakabitin pa rin at deadma lang.

Ang sabi. preggy daw talaga si Ellen pero walang proof. Walang makapagkumpirma.

Noong November 30, namataan sina Lloydie at Ellen sa Mactan International Airport na nagtse-check-in.

Nakunan ng litrato na agad ikinalat sa social media na sinasabing kita o halata na ang baby bump (preggy na tiyan) ni Ellen pero nang makita ko ang picture ay waley naman.

Pero si Lloydie, pormal na ipinakilala ni Ellen sa mga parents nito nang huling dumalaw ang dalawa sa Cebu.

Ellen with Lloydie’s P3M worth of diamond engagement ring.

Pero ang mga miron sa John Lloyd-Ellen “buntis” isyu, heto’t usap-usapan recently sa isang showbiz ganap na ang pinaglilihian daw ngayon ni Ellen ay litson.

Yes! Sa recent photo posting ni “Aling Buntis” sa kanyang IG Live Account ay nagpost ito ng ulo ng baboy. Ulo ni piggy na oks na oks ilitson na ewan kung anong mensahe ang gustong itawid ni Ellen.

As of this writing, ang latest na tsika na nakarating sa amin ay worth 3 million pala yong yellow princess cut diamond na engagement ring na binili ng aktor sa kanyang lady love.

Kumikinang-kinang tulad sa picture na posted kasama ng item nating ito.

 

Reyted K
By RK Villacorta

Related Post

Ellen Adarna, sa bahay na ni John Lloyd titira?

Ellen Adarna and John Lloyd Cruz

MARAMI NA ang naisulat tungkol sa balita na buntis si Ellen Adarna na ang “daddy” ay walang iba kundi si John Lloyd Cruz.

Sa kabila ng kaliwa’t kanang mga ispekulasyon, mga opinion, mga nakasulat sa mga showbiz columns at sa social media, ni isang official statement mula sa mga nasasangkot sa isyu ay never pa nagkumpirma.

Not even ang mga manager’ ng dalawang showbiz personalities na ayaw magsalita.

Basta lahat ay haka-haka.

Totoo ba buntis si Ellen at si John Lloyd ang ama?

 Wala makakasagot until diretsahan mismo mula kay Ellen or Lloydie magmumula ang official statement.

Ayon sa source namin na ayaw magpabanggit ng pangalan na close kay Lloydie, ang relasyon diumano mng dalawa ay noon pa kung saan magkasama ang dalawa sa isang sitcom tuwing Saturday.

  Nagkakabiruan daw noon na nabanggit ni Ellen na gusto na niya magka-baby. ‘Baby lang. Kahit walang ama. Basta gusto nya nang baby,” kuwento ng source namin na during sa tsikahan during taping break ay ngumuso daw ang isang artista na kasama sa sitcom nila at itinuturo si Lloydie.

From an insider ay matagal na pala inihihirit ng ina ng aktor na magkaroon siya ng apo mula sa aktor.

“Basta kahit isang apo. Kahit walang kasal-kasal bago man lang siya mawala sa mundo,” kuwento ng reliable source namin.

Yong nakikita daw ng publiko sa social media na magkasama sina Ellen at Lloydie sa isang kaganapan noon kina Beauty Gonzales at mister na si Norman Crisologo sa Ilocos ay luma na at dati na yun pero mayroon pa mga eksena earlier ang dalawa tulad sa isang taping nila sa Baguio noon na hindi lang nakukunan at nado-document ang mga romantic “smoothing” ng dalawa.

Sa estado niJohn Lloyd, keri na keri na niya magkapamilya. May sarili na itong bahay sa Valle Verde (ang dating bahay niya  na nai-feature na sa isang glossy showbiz magazine ay ibinigay na niya sa kanyang pamilya); at ang nasa haybols ng aktor sa Valle Verde naman kung saan siya umuuwi ay pwedeng-pwede na para sa magiging future family nila ni Ellen.

Basta para sa amin ang importante ay masaya ang aktor sa piling ng taong mahal niya.

 

Reyted K
By RK Villacorta

Related Post

HOT NEWS: ELLEN ADARNA, BUNTIS! SI JOHN LLOYD ANG DADDY!

Ellen Adarna and John Lloyd Cruz

NAGSIMULA as a blind item lang pero only last Saturday ay pinangalanan na ang celebrity na sinasabing buntis.

Yes! After ng kanilang European holiday ay sumambulat na ang usap-usapan na si Ellen Adarna ay buntis at si John Lloyd Cruz ang ama.

Huling nakita si Ellen kasama si John Lloyd sa lamay ng anak ng dating DFA Secretary Alberto Romulo kung saan doon din nagtagpo sina President Digong Duterte at John Lloyd.

Nang kumalat last Saturday evening ang sinasabing pagbubuntis ni Ellen ay kasama naman ang biglaang balita na hindi na rarampa ang sexy star sa isang mega-fashion show ng isang clothing brand na isinagawa sa MOA noong gabing ‘yun.

One plus One equals two.

As of this writing ay wala pa kumpirmasyon mula kay Ellen at John Lloyd ang tungkol sa isyung “buntis”.

Noon pa man, ang alam ko ay mahilig na si Lloydie sa mga bata. Kung totoo man ang balitang ito ay isang magandang balita ito para sa aktor.

The last time I learned ay nasa New York sa Amerika ang aktor to attend a private (non-showbiz) event.

Goodluck sa dalawa. Our column is open for Ellen and John Lloyd to confirm or deny the showbiz news.

           

Reyted K
By RK Villacorta

Related Post

Direk Cathy Garcia-Molina sa pinagdadaanan ni John Lloyd Cruz: Hayaan mo, matututo rin siya!

Direk Cathy Garcia-Molina and John Lloyd Cruz

VERY CLOSE ang director na si Cathy Garcia Molina kay John Lloyd Cruz. Karamihan ng mga blockbuster romantic comedy films ni John Lloyd ay idinirek ni Cathy.

Sa pinagdadaanan ngayon ni John Lloyd at sa pansamantala niyang pag-alis sa showbiz ay hiningi na rin namin ang reaksyon ng director.

“Well, everybody goes through something. Kumbaga, if it’s this path for him to learn, hayaan mo siya, matututo rin siya, malaking tao na siya,” sabi ni Direk Cathy nang makausap namin siya sa presscon ng Seven Sundays.

Hindi rin daw nagpaparamdam ang aktor sa kanya.

 “Ganun yon, eh, pag may problema hindi nagpaparamdam. Mas nagpaparamdam pa siya pag masaya siya. Pero pag may problema siya, hindi. I just texted him pero hindi naman daw nag-reply,” sabi ulit niya.

Naiintindihan din daw niya ang pinagdadaanan ngayon ng kaibigang aktor.

“Normal na tao si Lloydie. He might be an actor, he might be sikat but he’s human. Parang hindi niya karapatan pero parte ng buhay niya ang pagdaanan ang mga ito.

 “Ako, it’s not for me to judge, he’s a friend, he’s a good friend, I’m sure may dahilan kung bakit nagkaganun and I’m sure he has the intelligence also para ayusin yan at bumangon.

“At the end of the day, for me, John Lloyd is a good man. He’ll come around.”

Samantala, bida sa Seven Sundays sina Aga Muhlach, Cristine Reyes, Enrique Gil, Ronaldo Valdez and Dingdong Dantes.

La Boka
by Leo Bukas

Related Post

KASALAN SA PARIS: John Lloyd Cruz at Ellen Adarna, mami-meet si Angelica Panganiban?

JOHN LLOYD CRUZ

NAGLABAS ng kanilang official press statement ang ABS-CBN  tungkol sa indefinite leave ng isa sa mga prime artist nila na si John Lloyd Cruz last Friday evening, October 6.

Without any kaeklatan at paligoy-ligoy, sinabi na lang sa naturang pahayag na nagkaroon ng mutual agreement ang dalawang poder (John Lloyd at ABS-CBN).
Sa naturang official statement ay nakasaad na: “John Lloyd will be taking a break outside the country and will return to ABS-CBN after his leave of absence.”
Naging viral sa social media ang naturang statement na samu’t sari ang reaksyon ng mga netizen sa biglaang paglabas ng naturang pahayag mula sa Kapamilya Network.
Marami ang nanghihayang na sa isang kakaibang video na lumabas sa social media involving John Lloyd Cruz, naapektuhan ang kanyang career.
Ayon sa mga miron, ito na daw ang ending ng career ni Papa Lloydie na ang pinaghirapan niya buuin ay mauuwi lang sa wala.
Madami sa mga solid fans ni JLC ang nalungkot. “Namatay na si Popoy namin,” pertaining to his goody-goody character sa pelikula na sinundan ng milyon-milyong mga fans na nagmamahal sa kanila ni Basha na karakter naman ni Bea Alonzo.

Ellen Adarna and John Lloyd Cruz

Kami man, hindi man diretsahang sinasabi na wala na kapupuntahan si Lloydie, nanghihinayang kami. Kahit papano ay nasundan namin ang paghihirap at pagtitiyaga ng aktor sa kanyang career simula sa youth oriented afternoon show na “Tabing Ilog”, haggang sa mapabilang silang tatalo nina Marc Solis at Baron Geisler sa “Palibhasa Lalaki” noon hanggang sa magbida siya sa sariling pelikula na ipinareha siya sa mga sikat na mga leading ladies at naging top product endorsers na kaliwa’t kanan ang mga TV commercials na naghatag sa kanya ng milyun-milyong kayamanan.

Sa indefinite leave of absence ni John Lloyd sa Kapamilya Network, papaano kaya ang iiwanan niyang sitcom na Home Sweetie Home na napapanood every Saturday evening?

Angelica Panganiban and JLC

Ang balita ko, sa long vacation ni Lloydie, dadaluhan muna niya ang ”gay wedding” ng kanyang fashion stylist na si Rex Atienza na magaganap sa Paris, France.
Sa kasalang magaganap, isasama diumano ni JLC si Ellen Adarna gayong ang dating girlfriend na si Angelica Panganiban na kaibigan din ni Rex ay dadalo rin sa okasyon.
Kung ano ang magaganap doon ay abangan na lang natin ang mga susunod na kabanata.

Reyted K
By RK Villacorta

Related Post

GOODBYE FOR NOW: John Lloyd Cruz, pansamantalang iiwanan ang showbiz!

John Lloyd Cruz

TIME OUT MUNA sa showbiz commitments ang Kapamilya leading man na si John Lloyd Cruz.

Halos isang buwan nang pinag-uusapan sa internet si John Lloyd Cruz o kilala bilang Lloydie sa showbiz world. Nag-umpisa ito nang ma-involve siya sa Home Sweetie Home co-star na si Ellen Adarna.

Opisyal na nagpost ang kampo ng ABS-CBN tungkol sa ‘indefinite leave’ ng aktor:

“ABS-CBN and John Lloyd Cruz have agreed for him to take an indefinite leave of absence to attend to personal matters.

John Lloyd Cruz will be taking a break outside the country and will return to ABS-CBN after his leave of absence.” – Kane Errol Chua (Head, Integrated Corporate Communications

Lumabas ang naturang pahayag sa TV Patrol ngayong gabi..

Siguradong maraming fans si Lloydie na nalungkot sa balita, pero kami rito sa Pinoy Parazzi ay hoping na makabalik agad ang aktor sa pag-arte. Sarili muna bago showbiz.

Related Post

PINAGBAWALAN SA STAR MAGIC BALL: John Lloyd Cruz, hindi ka-date si Ellen Adarna?

John Lloyd Cruz

MULA nang pumutok ang istorya ng “relasyon” nina John Lloyd Cruz at Ellen Adarna (kahit wala silang pag-amin) at naging viral ang video ng dalawa sa kaganapan nila sa Bantayan a few weeks ago ay in-expect ng mga miron sa Star Magic Ball 2017 na si Ellen ang makakasama  ni Lloydie sa red carpet ng sosyaling party last Saturday sa Shangri-La Hotel sa Makati.

Pero bigo ang mga miron mula sa iba’t ibang mga dyaryo, online entertainment portals na dumating si JLC minus Ellen.
Bilang isa sa mga prime artist ng Star Magic ang aktor, sa kabila ng bad publicity para kay JLC ang tungkol sa kanila ni Ellen, dumating si Lloydie bago pa nagsimula ang event. In short, hindi na siya umagaw ng eksena at naglakad sa red carpet habang karamihan sa mga artista ng talent management arm ng ABS-CBN ay may kanya-kanyang paandar.
“If you are a star, you’re a star. Hindi mo na kailangan umeksena but Lloydie  made his presence felt sa napakakaswal na pamamaraan ,” mensahe sa amin ng isang writer from a showbiz portal na andun sa event.

Mother Lily and Roselle Monteverde with John Lloyd Cruz

Happy si Lloydie na nag-table hopping.
Nang magtagpo sina Popoy at Basha (ang mga karakter nina JLC at Bea Alonzo), niyakap ng aktres nang mahigpit ang kanyang screen partner.
Tama ba ng balitang nakarating sa amin na first time magkita ang dalawa after the “John Lloyd Cruz Scandal”?

Reyted K
By RK Villacorta

Related Post